كملت طريقي وانا عارف انو مافي امل
أوقات عاقلة واوقات اقول عقلك م اكتمل
لما اسمع كلامك اقول لا في امل
واليوم الثاني اتاكد انو كلام شخص انسطل
ماباكي تشوفيني لا فارس و لا بطل
بس اهلي ربوني اطلع اللي مغرز في الوحل
بس ماكنت اعرف انو اللي في الوحل نحل
جيت ابا اساعد النحل غرز دبوسو , ورحل
سألت نفسي كم مره وقعدت ادور على الخلل
و الخلل انك حتكملي لو النهايه الشلل
تكذبي تنافقي تسوقي الفلم شي يجيب الملل
ومن جديد اديكي فرصه واقول اللي حصل حصل
نفس الاعذار دايم وتلومي اللوم ع الاهل
صغيرة في السن لكن وجهك أصبح وجه كهل
تدعي الذكاء و كشف كذبك جدا سهل
وتحسبي كل الناس ربنا خلقهم جهل
ليه تعاتبني, وليه بتنصحني؟
انا روح, وانت روح بعيد عني
ربي بالعقل ميزتا عن الإبل والبهائم
وانتي بيدك اخترتي انك تكوني الشخص العائم
ما بكون زي البقية قلت اسوي اللي عليا
مديت ايديه مع اني عارف انك منتي ليا
لو سألتي نفسك ليش و عشان ايش
لانو النية نية خير لكن معليش
كل القصة اللي قلتيها كان سببها ادمنك
ادمنك قلل من شانك صرتي في مكان مو مكانك
صبرت معاك وانا مع الاغلب مو صبور
ولما خيرتك بين بنتك وبين الكيف قولتي القرقور
تمر ايام ايام وسنين وشهور
حتكبر
يا خوفي في نفس الدايره اللي انتي فيها تدور
لا تلومي الناس الناس ما اتخترو انت اخترتي
و بينك وبين نفسك عارفه انك اتغيرتي
وجهك ذبل انهلكي و انسخطتي
و النصايح مافادت معاكي كنت اضيع وقتي
وكل عطوكي اعطوكي عشان يكسرو عينك
يعمو عينك عشان تروحي وترجعي برجلينك
واذا طحتي, صدقيني محد بيقول فينك
وقد قلت ذا الكلام اكتر من مره بيني وبينك
كنت اقدر اسوي فعلهم استغلك استغلال
بس ماني زيهم ماهي فعايل ابن الحلال
كلنا بنغلط ونتوب مره يمين ومره شمال
لكن انت خيار واحد يا شمال يا شمال
مافكرت اني ممكن انضر و اش ممكن يجيني
بس ماشيه بضميري وبشوف وين ضميري بيوديني
لازم تتعالجي عشان بنتك تتهنى
عشان لا تفقدك وتقول يارب تكون فالجنه
ماهي قصه دراميه و لا حكايه رومنسيه
بس النهاية مفهومه جرعة زائدة وضحيه
وتسيل دموع كل الاحبة و الاقارب
واللي حاول يساعد طنشيه وماتعطي القارب
ندمان مع انو كان مجتهد و يحارب
والزاوية الثانية نسيوكي وشافو غيرك العقارب
لا تخافي أهدافهم ابدا ماهي زي اهدافي
هدفي تتعافي أهدافهم تكملي تتعاطى
تدري ليش بدهم تتعاطى؟
عشان يستغلك الواطي
من البدايه كنت عارف شكل النهاية
والنهاية ضحية عابره زي كل حكايه
ليه تعاتبني, وليه بتنصحني؟
انا روح, وانت روح بعيد عني
