اشهد ياليل الهوى.. عاللي افتكرته قريب

واعرفلي ايه السبب .. للبعد والغيب

وانا اول قلبي ما قابله .. من قلبي اخترته حبيب

وبقيت من شوقي بقابله .. وانا فاكره قدر ونصيب

فكرت القلب معاه .. هيلاقي يادنيا هواه

اتاريه فارس في الآه وبيعرف امتي يصيب

كان هو الاول والتاني .. والبعد اهو طول من تاني

لا لقيت لا ملامحه ولا طيفه .. ولا عدت بقابله ولا اشوفه

كان هو ملاكي وحبيبي .. وبحبه في قربي وفي غيبي

ولا كانش بيخطر بالخاطر .. انه باشواقنا هيخاطر