مش بتمني تبقي خايفه
ولا بتمني تبقي ساكته
عايزك بس تبقي شايفه
التفاصيل دي تبقي باينه
لما نكون في وقت احسن
هبقي احكيلك الجديد
شايفه العالم ب الي فيه
ولا يساولنا اي شئ
عارف نفسي عارف اني
ياما بخبط بس بنسي
واما بلف عندك ارسي
اصل صراحه عندك اهدي
برا في دوشه برا زحمه
برا كلام كتير وسحله
برا انا ساكت بس بسمع
هنا بتكلم وانتي سامعه
بينا الغاز متتفهمش
لما يشوفها حد غيرنا
ياما خرجنا من حفر
بكره هقولك خلصنا ووصلنا
مهما الرحله بينا طالت
مش هتخلي بينا حاجز
لما قالو الحكايه باظت
كنت بصلح المشاكل
بكره هنفهم النفوس
زي ما خرجنا م الكابوس
يمكن كانت بدايه لينا
عارف العبره في الي يفوز
اصل الباقي كلو زينه
اصل الباقي كلو واحد
كل حروفي ليها قيمه
لكن واحنا فيها زادت
مش بنطقها غير بقصد
فا بتوصلك وانتي فاهمه
تفضلي طول الوقت فاكره
لا مكانتش صدفه بحته
كان متخطط ليها واحنا
جزء في قصه مش هتخلص
لسه في ذكريات ما بينا
وانا مقبلش حاجه تنقص
شايف نفسي زي ما شايفك
نفس القصه نفس النص
بسأل نفسي ومش بجاوب
اشمعنا انتي بالاخص
وده خلاني عايز اقرب
وجاوبت اما جيت قربت
كان الوقت ضايع قبلك
وده كان ضمن الف رد
كل كلامك كان مخبي
كل كلامي كان ملغبط
حابب السرد لما بحكي
فكره بتتكتب في لحظه
مهما احتاجت تبقي جنبي
مهما احتاجت مش هبطل
عمر الناس ما كانت هدفي
عادي انا مش محتاج افكر
عارف نفسي عارف اني
ياما بخبط بس بنسي
واما بلف عندك ارسي
اصل صراحه عندك اهدي
برا في دوشه برا زحمه
برا كلام كتير وسحله
برا انا ساكت بس بسمع
هنا بتكلم وانتي سامعه
