مش بسمع بيقولوا ايه
عارفه طريقي وهمشي فيه
صعب سهل أنا ادرى بيه
عارفه انا بعمل ايه
مش هبقى في حبس انفرادي
ولا هسكت لو كله راضي
لو مليون حاجز قصادي
هقدر برضه عليه
انا مش ضعيفه ومش قويه
انا وحده ممكن اكون عاديه
بس اني اقبل اعيش ضحيه
ده اللي مش هيكون
انا مش هـكون للناس تجارب
انا عندي حلم وليه هحارب
انا مش هسيب الباب موارب
لحد مش مضمون
بيني وبين احلامي خيط
يا اوصل يا ابقى في ركن بيت
وانا مش هبقى في ضل حيط
حلمي لازم يبان
مهما السكة في يوم تطول
حالفه لا اعلم في العقول
وهقف وسط الناس واقول
ايوه انا ليا كيان
