انا صوت مكتوم في كون مجنون
الامل معدوم ملازمك السكوت
شبعت صوم تعبت من الجوع
محتاج ادوقها لو ليوم
.......
مكتوب عليكي تحبي واحد قلبه صدي
لسانه اتاكل من كتر ما داري و خبي
مبقاش بيحس اعراض الانسحاب فيه عايشه
لنبضه تجس تسمع قلبه بينبض علي رتم صوتها
اطلبوا النجده .. الحاله خطر ابعدوه عن القمر
ابعدوه عن التفكير في الذكري ابعدوه عن السهر
ابعدوه عن الاماكن و اللي فاضل منها فيه
ابعدوه عن كلمه اتقالتله في مره منها ليه
ياما حاولت اتهديت ياما اتأنب الضمير
ياما اتمنيت لما اشوفك ممثلش دور الضرير
ياما نفسي في لحظه تجمعنا بس الوقت بيفوت
بياكد كل يوم ان العمر هيموت و لا ليها هتنول و لاهيا فيك هتموت
الحب كان زيف مات .. في عيد ميلادي زين الاموات
متجيبوليش هدايا هاتوها ياما هقيد الشموع ع الذكريات
بقيت بستهون الموت بقيت بستهوي العذاب
عايش ع الهامش و املي بايش متعلق بالسراب
........
انا صوت مكتوم في كون مجنون
الامل معدوم ملازمك السكوت
شبعت صوم تعبت من الجوع
محتاج ادوقها لو ليوم
.......
الليل عليا يهل عجوز في الشكل في سن طفل
ماسك ورقه و قلم بيجسد الم انسان لطريقه ضل
بيبص للنجوم و يكتب اليأس يبوح فبيشطب
يرجع يقفل مذكراته و الدمع نازل مش بيمل
ده الاشتياق داء ملوش علاج غيرك انتي الترياق
الكون ضاق و انتي بعيده و لما بشوفك بحس براح
بحس بدفا بحس ان فيه سبب لوجودي في الحياه
بحس بامل اننا هنرجع ..بعيش سيناريو في الاوهام
مش بفوق درويش في ذكرك صورتك عايشه فيه
القيد علي قلبه مش بيلين مستني تيجي و تكسريه
قوليلي بعدنا ليه هاتيلي تبرير هاتيلي حل و احكيه
هاتيلي طريق يودي في سكه بعيده عنك و انا همشيه
لو انتي سامعه فأنا بقولك تقبلي تشاركي فرحي و مشاكلي
ياللي شكلي تقبلي تكوني مراتي لو سمحتي
في دنيا الميت موال انتي نغم من الخيال
تقبلي تعزفيلي بصوتك نغمه تجدد الآمال
........
انا صوت مكتوم في كون مجنون
الامل معدوم ملازمك السكوت
شبعت صوم تعبت من الجوع
محتاج ادوقها لو ليوم
