بدأت حكايتي وسط الموالد سارق عيون الناس " نشال
نشانجي اسطورة و مين ينافسني ، مكنتش زي باقي العيال
ابن 12 سنة و مدقدق ، ماشي بلعب بـ 3 ورقات
مراجيح و غوازي ، و انا لا ابالي ، خارج معبي حمص الشام
اخسر لكن استسلم لأ ، دماغي لو مرة خانتني افلقها
مبغنيش للشر بطبل لمؤخذة برقصه عـ السقفة
ياما حذرت شيطاني يسيبني و قال : لو قد العركة ابدأها
كسبت انا جولة خسرت انا جولة "تعادل" على معادنا في التالتة
و اللي دار .. ضاع مني الأهل و الحبيبة و الصحاب
زاملت الشارع ما لي حد ما لي دار
كان فيا حد طيب بس تقريبًا ضاع
تقريبًا ضاع و مش هيرجع لي
و من ازهر لـ بار ، و من سواك لـ سجارة " كل يوم
عيني بـ غل و شراسة ، و قلبي طفل في حضانة " غالبه النوم
حبة اخاف الخسارة ، و حبة ماشي بـ جراءة " كله يهون
ناس بيوتهم الاجا ، و ناس تعيشها في خرابة " هي حظوظ
ـ
مراجيح المولد حبة تحت و حبة فوق
فيها ناس شبعانة و ناس غلبانة عشاها نوم
فيها المداح زي ما فيها الغوازي
فيها اللي يساعدك و اللي يقولك و انا مالي
-
حرقت شيطاني و خدت مكانه ، لا مش هحن خلاص هنساكوا
قلبي خلاص قطعت لسانه عشان مغلطش و اسمع كلامه
قالوا : احنا عيلة ، قولت : و ماله ، تعرفوا عيلة بترمي عيالها !؟
عيلة اما اعوزها بتقفل بابها ، بكرة هييجي و اقطع رقابها
لو حقي بات برا يوم ... بجيبه لو فيها موت
و ان سيبته يبقى مزاجي ... و ان سيبته يبقى بشروط
مخسرش ماتش لو مره ... مخسرش لو حتى شوط
ميخافش حي من صوت ، لأ ميخافش طُرش من صوت
ياما اطردت انا من بيوت ... بكرة انا هرجع و هشتريها
و متخافوش مش هتطرد حد ... كده كده ناوي اقلبها زريبة
على الأقل عارف اخركوا ... بدل ما اجيب بهايم غريبة
على مين ده احنا دافنينه سوا ... ليه عاملينلي عالم شريفة !؟
بقيت انا بعبع بقيت انا كخة ... ابن حواري و اغلب شيوخها
لو جت فرصة منهم بشوطها ... مش محتاج حاجة منهم شكرًا
قافل بابي و رامي و المفتاح .. قفلت بابي بـ قفل و رزة
مفيش رجوع لأ مفيش سماح ... لا مفيش حب خلاص شطبنا
مراجيح المولد حبة تحت و حبة فوق
فيها ناس شبعانة و ناس غلبانة عشاها نوم
فيها المداح زي ما فيها الغوازي
فيها اللي يساعدك و اللي يقولك و انا مالي
