العيشة اصول والدنيا فصول
فايق بيقول في كلام مسطول
والليل ان طال فمسيره يتلم يتلم
ونقابل بكرة بفكرة اهم
تشفى السهران من جرح اليوم
عسل المخدوع اصلا مسموم مسموم
وان طالت الواقعة مسيره يقوم
وكلام السهرة تملى يخُم
وكأنه مكانلوش اب وأم
ومعندوش دم
و معندوش دم
جابك للدنيا وحيد ويتيم
شَبك المظلوم بيصيد مظاليم
وطيور على اشكالها بتتلم
تاكل من طبق الوحدة تجوع
تاكل من طبق الناس تتسم
فتروح من هم لهم اهم
وبتعمل نفسك مش مهتم
قال يعنى عشان الجرح يروح
و الجرح يروح
الجرح يروح
قال يعني عشان الجرح يروح
والجرح ملازمك ومصاحبك
وتروح تشحت في اكتاف صاحبك
فيروح صاحبك شدك ساحبك ساحبك
على جرحه وحلمه وتفسيره
فتوافق على كل كلامه
وتصدق زيفه وتغييره تغييره
مين قال ان الواحد يرتاح
اول ما يشوف بلوة غيره
دة ساعات بنشوف ازمة غيرنا
اتفه بكتير من مشاكلنا
ولا حاجة تحرك مشاعرنا
ورا كل مهم في حاجة اهم
والمشهد عادى بيتحول
وتعيد اللفة من الأول
هاتراقب في الليل هايطوّل
هاتنام هاتلاقي الليل يتلم
والخيبة انك عشمان بكرة
هاتقوم م النوم على فكرة اهم
