هوى يمرني ويلاعب كذلتي الشقرة
هوى يخليني ما اكتب ولا اقرا
هوى يوديني يمك يا ابو العشرة
وارجع طفله بين ايديك
حبيبة بكل مسا تغنيك
يا مجنون
يا مجنون اش لعبت بقلبي واحساسي
أمشي ويمي تتهامس علي ناسي
دنيا بغيبتك طاحت على راسي
يمي وانا أحلم بيك
جاوبني إذا اعنيك
مثل شهقة اشمك واغرق بعطرك
كون الخنقه بيا ما تمر صدرك
إذا الغروب اقعد أنا انتظرك
وَيّة جرة النفس ابكيك
أموت وما تحس شبيك
يا مجنون
يا مجنون اش لعبت بقلبي واحساسي
أمشي ويمي تتهامس علي ناسي
دنيا بغيبتك طاحت على راسي
يمي وانا أحلم بيك
جاوبني إذا اعنيك
أقرّب من خيالك ترمش عيوني
يا آخر قصيدة بدفتر ظنوني
أشرد لو بعد عنك يسألوني
صرت انحرج من طاريك
عيوني بس تسولف بيك
يا مجنون
هوى يابو الهوى وعنده عتب بابي
من سنتين ما زاروني أحبابي
لعبتك صايره من تحرق أعصابي
لو بس أعرف اليكفيك
بس قلي شنو اليرضيك
يا مجنون
