كمل طريق حلمك وشوف نفسك بجد

ركز ف عشتك بلاش تبص ل رزق حد

دالسه قدامك كتير

واهو بكره يبقي جاي خير

متقولش سنك بقيت كبير وفيك تهد ..

شوف اللي قبلك لما حلموا عملوا ايه

كام مره يآسوا وحلمهم مسكوا فيه

اقوي وعافر في امل

واياك تمل مهما اتعمل

الحلم بكره تقول حصل وهتحكي بيه ...

هانت خلاص بلاش يا صاحبي ف يوم تلين

صدقني كمل طريق فاضله خطوتين

هتشوف بعينك بعد كل السعي دا

حققت ايه ووصلت فين ..

هانت خلاص الصعب عدي من كتير

متخفش ابدا من اللي جاي ربك كبير

عمره مايبعد حاجه

الا لو مكنتش خيير ...

متقولش كلمه مستحيل او شعري شاب

متقولش ضاقت دنيتي وجالي اكتئااب

اقوي وعافر و خد قرار

واياك تفكر ف انتحار

الليل هيبقي ليه نهار ..فيه الف باب

شغلك مضايقك بكره تبقي انت المدير

حبيب وسايبك بكره ندمه يكون كبير ..

لما يلقوك واصل بجد ..

يسبوك بطولك عيش وسد

ماتقفش يالا امشي ومد توصل بخير