قوموا قيام ان مرّكم ظبي العَدام
الظبي هذا مختلف في طلّته
خدّه يشابه بالوصف بدر التمام
و الخشم سيف ابن الوليد فـ سلّته
غرام قلبي يا غرامي يا غرام
يوم اصفِقت ريح الصبا في شيلته
هب العطر من ياسمين و ورد شام
عطرٍ يعطِّر من سِكن في حِلّته
قوموا قيام ان مرّكم ظبي العَدام
الظبي هذا مختلف في طلّته
خدّه يشابه بالوصف بدر التمام
و الخشم سيف ابن الوليد فـ سلّته
يمشي دلع مشيه مثل مشي الحمام
و الشعر نسمات الهبايب شَلته
يوم لعبت به ليل فوق الصبح هام
ليلٍ طويل و صبح شمسه حَلِّـته
لو مر بالشيخان في وسط الخيام
حتى المقهوي يَلتهي عن دلّته
و نفز له صَفين حربيه قيام
لين الفجر يبين خيط مظلته
قوموا قيام ان مرّكم ظبي العَدام
الظبي هذا مختلف في طلّته
خدّه يشابه بالوصف بدر التمام
و الخشم سيف ابن الوليد فـ سلّته
لو مر بالشيخان في وسط الخيام
حتى المقهوي يَلتهي عن دلّته
و نفز له صَفين حربيه قيام
لين الفجر يبين خيط مظلته
نرزف طرب لعيون مدقوق الوشام
اللي طبوعه و الوصايف غلّته
له مالغلا كله و مالحب الهيام
ياللي الحسن يسير تحت مظلته
