هحكي ايه المرادي ما قولت كُل حاجه
الحزن نهش فيا بكُل هدوء , مخدتش بالك ¿!!
شربت الدنيا ساده , يمكن فرحت ساعه
محدش نقّص زعلك كله زادك
زيديني حب بحجم كل مر عدا
أُحضنيني يمكن اهدي
زمان حاربت عشان مبقاش عالحال ده
و الزعل جالي تاني, كنت مصدقت اني انسي
فكِتني منك, فتتني الزعل الف حتة
فاتتني انا في حياتي كل حاجة حلوه
مكانتش غنوه كنت بسهر اكلم فيك و مش بقولك
حبيتك علشان غير , وانت بقيت زيهم فكك
سبق و قولت , اديك اذتني .. شوفت
وقت ما كله خشِب وشه, الزعل مسك فيا بـ لُطف
كام نفس و شوت , قال حتي ما رمِت كلمة شكر
كُل الدنيا أكدتلي اني اكون لوحدي فـ ركن
و انا سكِت, هحكي ايه انا زعلي ميتوصفش
الناس زعلت مراحل, اما انا زعلت سِك
شربت , كنت عايز انسي و مكتئبش
يمكن كنت هبقي كويس لو فهمتني و فضلت ؟
نسّيني و عدي , انا ضاع كتير من وقتي
كنت بجيلك و احكي .. بس بمشي خدي مندّي
ودّي , كل السواد في قلبي زمان كان لونه وردي
مش بعد اما إتخذلت هاجي قصاد شباكك اشكي
احسنلي انام , احسبلي كام مره اتخمدت زعلان
و إكمن قلبي تلج مبقاش فيه سكان
فضل مني احزان عزفتك ع الكمان
و اتغيرت لما , محدش فضل زي زمان
اتطفيت محدش عزا , بعدي انا مطلعش ازمه
ومكانش له لازمه اني اتهبب و ارجع الازمك
يعني , قلبي استغبي حن لـ اللي باعني
اقل حاجة اقدر احكيها ان انا حرفيا لوحدي
كله راح و بالتدريج, ازاي ده مش تهريج
كإن الدنيا خدت قلبي لفة تنغز فيه
قال خاطرك هشتريه, فيا عقل ضحكتيه
اظن اموت ولا باقي كتير
