ولك وين فجأة وغبت عن العين

وين عايفني بعدك مو زين

هديتني بهذا الهجر يا أغلى واحد بالعمر

شحجيلك بحالي بعد فرقاك كاسرني كسر

قلبي تعب فدوة فراقك مثل بلوة

تدري أني بغيابك لا حول لا قوة

نفسيتي مدمرة مخنوق بالعبرة

صح عايش بدونك بس عشت بالقدرة

لا لا تبتعد لا يالمستحيل أنساه

حبك مثل عمري يعني انتهى بلياه

وياي بس جرحك بقى الروح بي متعلقة

فارقني وياك الهوى دزلي هواك أستنشقه

أسف على إزعاجك بس حيل محتاجك

الليل هد حيلي والشوق ما جابك

يمعود إرجعلي فراقك ميرهملي

شيب بوسط قلبي

لا لا تبتعد لا يالمستحيل أنساه

حبك مثل عمري يعني انتهى بلياه

بالضيم بغيابك عشت مخنوق من يوم الرحت

حاولت أقاوم غيبتك تالي شفت روحي ضعت

شخباري وشلوني حتى انخطف لوني

المشكلة فراقك بين على عيوني

مشتاق تحضني وبروحك تضمني

ما عايز الكلشي بس أنت ناقصني

لا لا تبتعد لا يالمستحيل أنساه

حبك مثل عمري يعني انتهى بلياه