مثل عصفور .. أدور براحة ايدينك
و جنحاني يبللها مطر قربك .. شقى و حيرة و تعب مجنون
و أنا مسجون في ايدينك
أطير .. و موطني عينك
مع اني و انا فيها
أموت من الحزن .. مقهور
مثل عصفور
رضيت أذبل
و انا اللي كنت ما أقبل
تحت ظل الألم .. أحيا معا من كان
و لكن ما ادري شاللي صار و خلاني أوافق
تنسجن روحي و تسكن في جسد ثاني
و ليه بهالوضع أنا أقبل و أنا كلي ألم مكسور
مثل عصفور
غريبة حالتي هذي
و أغرب منها قلبي
يحبك و انت سجانه
عجز ينطق بكلمة آه
رغم إن الألم و الآه دواه و صرخة أحزانه
شاسمي حالتي وياك
أسميها
أنا ما اقدر أسميها
و لكن كل من شافوا وش اللي صابني خافوا
و قالوا هالولد مسحور
مثل عصفور
