يا ابن آدم كل ما كنت انطر الجرح العظيم
ما لقيت اعظم من جروح الندم بين الجروح
يا ابن آدم كل ما قلت الزعامه للزعيم
ينتشي كبريائي فوق شاهقه الصروح
والدروب يقودها درب الصراط المستقيم
واستقامات البشر بين الصراحه والوضوح
والغصون الي فرعها غير لمهب النسيم
لا تساءل عن معاناه الحمام الي ينوح
ياهل الزور ان حلفتوا زوروني وجهه الكريم
فاح ريح من الكذب والكذب له ريحٍ يفوح
يا رحيم الصدر ضايق حيل صدرك يا رحيم
والدروب طوال واقدامي من اللهفه جموح
اعطيني من لدنك التوفيق والعقل الحكيم
والعزيمه والمعزه والمراجل والطموح
والقمر يغريني اغني عاللحن القديم
ويجذب البراق عيني كل ما شفته يلوح
والقساوه للرجوله والنعومه للحريم
يا كثر ناس تجي في عيني وناس تروح
يا كثر اهل الارض خلان وانا مالي خليل
يشتكون جروحهم عندي وانا كلي جروح
