كلهم مشيوا و ماجوش

كلهم حبوّا الفُراق..

وبحِساب الفِطره فيا

وبحِساب الكبرياء..

كل عقد الأمنيات

اللي بــ غيابُه انفرط

صوته عالي كإنه قال

العشم أكبر غلط..

وباعتبار لو كان وجودي حاجة

فالناتج برحيلي متزيّن

انا مهما احتاجت حاجة

مستحيل أبدأ و أبيّن

قولت ليه انت ناسي..

وكل روحك في الصور

غلطه منك ولا غلطه

من تلاكيك الحياة؟

لما جيت بــ سذاجه بحته

اجرّب اتبعلك أثر..

بعد بحثي واطلاعي

لقيتني فاقده الإتجاه..

وباعتبار لو كان وجودي حاجة

فالناتج برحيلي متزيّن

انا مهما احتاجت حاجة

مستحيل أبدأ و أبيّن

لو عقاب البُعد ذكرَي

فالقُرب عقابه مش هيّن..