ياملكنا لولا بتنزل... لولا بتنزل ع ممالكنا
بتنزل و تشوف مملكة الليل.. مملكة السهر
مملكة الهوى ... مملكة القمر
كنت بترضى و بتباركنا و بتقول لحرسك يتركنا
يا ملكنا
بحكيلك ياملكنا عن السهر
بنقعد على سطيحة بنغفا عحجر
ما فيها حراس ولا ضجة حرس
بتحرسها السما واوراق السجر
مملكة السهر يا ملكنا بتحرسها السما واوراق السجر
وشو بقل لك ياملكنا عن مملكة الهوى ؟
اللي بيعلق فيها ما الو دوا
بتكون حاكم بتصير محكوم بتكون ظالم بتصير مظلوم
صدقني يا ملكنا صدقني
بتكون حاكم بتصير محكوم بتكون ظالم بتصير مظلوم
والظالم بيرضى و بيرضى المظلوم
والحاكم ع بابها يستعطف المحكوم
اه ما اعجب الهوى و مملكة الهوى
بتحركنا و بتشبكنا وعلى طول العمر بتملكنا... يا ملكنا
