أنا زي أي واحدة كان حلمي بسيط
أولاد و بيت
وألاقي حد تكون مشاعره حنينة
كان نفسنا
في ولد و بنت ننام و هما في حضننا
كان نفسي منك بنت حلوة وروحها فيك
تمشي في إيديك
وولد يكون زيك ملامحه طيبة
لكن نصيبنا أنا وإنت نبقى لوحدنا
حلمنا بعيد لكن ربك كبير
وهنفرح أكيد و يعوض صبرنا خير
واللي حلمنا بيه أنا وانت هنلاقيه
وهييجي يوم نمشي إيدينا في إيديه
في حياتنا أنا وانت حاجات حلوة كتير
وأكيد ده خير
و أنا حاسة إن اللي جاي أحلا في عمرنا
و بجد أنا لاقيت في حبك كل حاجة حنينة
لا زعلنا يوم من اللي احنا فيه ولا قولنا ليه ؟
و بإيدينا إيه ؟
عارفين ده هي أكيد إرادة ربنا
و دي حاجة بتقربنا حبة لبعضنا
حلمنا بعيد لكن ربك كبير
وهنفرح أكيد و يعوض صبرنا خير
واللي حلمنا بيه أنا وانت هنلاقيه
وهييجي يوم نمشي إيدينا في إيديه
