كل مره كنت بكتب إيدي تترعش تتشنج
كنتي زيك زي سجايري تاعبه قلبي لكن أدمنتك
مبقتش احس كأن يعني قلبي إتبنج
كنت بحكي عن خسايري فجأة لقيتني بحكي عنك
و ده مش عدل قلبي الندل كان هو المسؤول
سكِر او ده كان متوول ليه حبيتها إنطق ما تقول
فضلت ساكت .. ما انا مش من طبعي إني ابقى شاكي
كانت عروسه لعبه و قطعت من لحمي زي تشاكي
وقت اما بكيت بصيت و قولت اضحك و فُك
قولت إنك بقيت تحب تشوف ضحكتي و لو إني أشُك
قولهم .. انا مش زعلان من بعد ما راحوا كلهم
زي ما في وسط القعده قولت مرضي النفسي و ضحكتهم
طب بالذمه .. مش شكلي احلى و انا بدون مشاعر
سرقوا الفرحه ولاد الهرمه و جريوا دول طلعوا علي الشاعر
حياتي كوميديا و حبك كان مشهد درامي
انت ياللي خدت قلبي قوللي ازاي طلعت حرامي
مش كُنا قولنا
مش هنزعل تاني يا قلبي ؟
مش كُنا قولنا
طب ليه الحُب اصبح فوبيا ؟
دايماً بنداري جروحنا في روحنا و نرجع تاني نخبي
قستني الدنيا
و لعبت بيا كأني دمية
مش كُنا قولنا
مش هنزعل تاني يا قلبي ؟
مش كُنا قولنا
طب ليه الحُب اصبح فوبيا ؟
دايماً بنداري جروحنا في روحنا و نرجع تاني نخبي
قستني الدنيا
و لعبت بيا كأني دمية
مبقتش انام
مرعوب انا مبحسش بـ أمان
خد اللي عايزه
و رجعلي زياد بتاع زمان
قولتلك : حبيني
مش من مرارك شربيني
الحريم هما اللي غدارين فهموا رضوى الشربيني
بلعت الطُعم
قربت وقت ما إستحليتي البُعد
حُبك ليا كان مشهد رومانسي في فيلم رُعب
على فكره جرحك ده معلمش عليا لكن علمني
بكره خطيبك بالصدفه يقابلني و يطلب صوره مني
على قد الحُب بيبقى الزعل شوفي زعلت قد ايه
حتى اما اتقابلنا في حلمي شوفتك ماسكه إيديه
قولتيلي غور
ضحكت و من جوايا مقهور
بعدتي عني عشان معيش فلوس ولا حتى بقيت مشهور
ولا حاجه بتوصف الآلام حتى اتكسّرت الإقلام
متقولش ايه اديتنا مصر عشان دي اديتنا بالإقلام
بص في عينيا هتعرف ايه معنى إنهزام
عايش مستني لحظه تنفيذ الإعدام
مش كُنا قولنا
مش هنزعل تاني يا قلبي ؟
مش كُنا قولنا
طب ليه الحُب اصبح فوبيا ؟
دايماً بنداري جروحنا في روحنا و نرجع تاني نخبي
قستني الدنيا
و لعبت بيا كأني دمية
مش كُنا قولنا
مش هنزعل تاني يا قلبي ؟
مش كُنا قولنا
طب ليه الحُب اصبح فوبيا ؟
دايماً بنداري جروحنا في روحنا و نرجع تاني نخبي
قستني الدنيا
و لعبت بيا كأني دمية
