سكت مصدقتش
إن كل شىء إتهدر
وإن اللي باقي مني
مجرد بركان إنفجر
مبتغبيش عن بالي .. دايما وحشاني
لسه محتاجك .. زي ما إنتي محتاجاني ؟
ماضينا عقد سوا .. مهما حصل متمشيش
وإنتي دلوقتي فين .. لسه مبوحشكيش ؟
كلها وعود كدابة .. دنيا بطبعها قلابة
وإنتي بتمشي .. عيونك كت بتقولي حاجة
خليك متمشيش .. تبت فيا متسبنيش
من بعديا متبكيش .. جايز بكرة متشوفنيش
شوفتها و متكسرتش .. مشيت متأثرتش
هانت عليا زي ما هونت .. طالما متقدرتش
سهل نقول القدر .. وإن دة مش ذنبنا
كل حاجة مكتوبلنا .. من قبل وجودنا هنا
ومش هاممني .. ولا فارقلي أبقي زيهم
ما هي دي أنا .. ودة أصل طبعهم
غلبهم كبَرهم ، بيتغذوا علي كرههم
عمري ما أقبلهم ..ولا إني أكون منهم
حاسس إني متخدر
حاسس إني مش هقدر
عمري بدونها بيتقصر
حلمي ف الهوا إتبخر
قلبي فـ عقلي يكسر
حزني عليا إتفصل
ماشي يادوب متلصم
إيدي ع حيطانها بتبصم
عمرهم ما هيفتكروك
غير لما يفقدوك
كانوا فين في عز ضعفك ؟
هما أول ناس سابوك
عمري ما أسيبها .. لو بقت معاه أقتلها
كرهت كل حاجة في قربها .. كنت حاببها
تشيل الدنيا منا .. فتجيب رأسنا في التراب
معقولة بعد كل ده .. نعيش كده أغراب !
بتوحشيني فبسألني .. إمتي ترجعيلي ؟
مانا في ُبعدك متحاوط .. ولسه بتسمعيني ؟
طول حياتي بتمناكي .. أسعد لحظاتي معاكي
عشت و ما قدرت أنساكي .. ده عمري فداكي
بعديكي فضلت مستنيكي .. وأقول هتيجي
مهما يطول الوقت .. هفضل للأبد شاريكي
مش جاي ألومك .. ولا كاتبلك إني أعاتبك
أنا وفيت بعقدك .. وقبلت إني أعاهدك
فمرضتش أواجهك .. يمكن لترفضيني
فحس إني أتكسرت .. وإنك ما حبتيني
حاسس إني متخدر
حاسس إني مش هقدر
عمري بدونها بيتقصر
حلمي ف الهوا إتبخر
قلبي فـ عقلي يكسر
حزني عليا إتفصل
ماشي يادوب متلصم
إيدي ع حيطانها بتبصم
