سوري بكرامة عايش ببلدو لاجئ بخيمة
بتغطى بلحاف كلو مي والجوع صار نعمة دايمة
سنة كاملة صرلا العالم صايمة والنخوة العربية من زمان نايمة
يا تلج لا تقسى علينا باللهي رجعونا عبلادنا
البرد أكل عضام ولادنا والموت صار أرحم النا
المنظمات الخيرية عبارة عن كتلة نفاق بمساعدات بالأسم
الأربع حيطان صارت حلم وكاسة مي صالحة للشرب
أتعبنا من هالحرب عايشين بالذل غصب
طفل بعمر الورد مات من البرد
بين الوجع والأمل عيوني بتحكي مشهد رعب
صوت القصف بالنسبة ألي كصوت الرعد
بخاف أنا من قطرات المطر جواتي بركان ذعر
ودموع الأب عخدودوا نشفت البحر
كل هالكلام يالي قلتو عبارة عن نقطة حبر
لاتضربوني كرمال الله
خطفوني كرمال فدية مابيرضاها الله
أسير حرب من حقي أني عيش برا
بدي أحضن أمي وقلها ماخافوا من الله
أنا أنسان فيني روح ومن حقي أني عيش
أنا أنسان بسيط بالغربة حاسس حالي وحيد
أنا سوريا والعراق أنا أم المليون شهيد
أنا البلد الوحيد يالي أنقصف بأول يوم عيد
شفت بعيون شعبي دموع محروقة
كبار بالسن صارت أرواحهم من القهر محروقة
وأب وأم مشاعرون عولادهم صارت مخنوقة
وأطفال كل حلمون يكون عندهم مرجوحة
وتأييد العرب لترحيل السوريين صارت موضة
الدول عم تتنافس بالأنسانية لتكون بطلوع
وعنا إنقاذ طفل بياخد الموضوع أسبوع
دراسة وتخطيط ليطالعوه ميت من الجوع
تاريخنا فخر بس بالماضي وبالحاضر مخزي
مو شاطرين غير بهاشتاغ أنقذو شعبي
خالد أبن الوليد، وصدام حسين والقذافي
كانو قدوة وبهالزمن صاروا تنظيم أرهابي
تنظيم أرهابي؟
وحكامنا باعوا الأقصى ليتغطوا بحرام دافي
فكر فيها تنظيم أرهابي وحرام دافي
