ماقلت لك.. أشياء كثير لكنّي لك حسّيتهـا
الصمت دايم مهربي لاصار إحساسي قيود
ماقت لك! إنك حياه معك الحياه نسيتها
ماعاد يبعدنا مكان..ماعاد تفصلنا حدود
ماقلت لك إنّك أنـا.. روحي معاك لقيتها
مايسمع إحساسي سواك ولايبي غيرك وجود
حتى حياتي .. في عيونك شفتها..حبّـيتها
لين ابتسمت الكون يضحك ينتـثر قلبي ورود
ناظر بعيني شوف لمعة كل فرحة احييتها
الله عطاني اياك والله لا عطا وحده يجود
قد قلت لك !ماقلت لك قبلك حياتي ليتها
ماشافت إلا إنت بس.. أحلام وآمال وعود
ماقلت لك إنّك أنـا.. روحي معاك لقيتها
مايسمع إحساسي سواك ولايبي غيرك وجود
حتى حياتي .. في عيونك شفتها..حبّـيتها
لين ابتسمت الكون يضحك ينتـثر قلبي ورود
