من يحبك كثر ما احبك أنا
ومن بحبك حاول وياما اجتهد
ومن ف عينه شوفتك كل المنى
لا ورب العرش ما غيرك أبد
انت شوفي وانت عمري والهنا
ياجسد بي روح ولروحي جسد
وانت عيني وانت نوري والسنا
وانته اسبابي إذا حبي خمد
وانت ميعادي وسهدي والعنا
وانت تعذيبي وصبري والجلد
وانت راحاتي وروحي والظنا
وانت الاول مابها قبل و بعد
لمنا جو المحبه و ضمنا
ومن بعد قربك أنا كيف ابتعد
شوف ما اكبر ياحبيبي عشقنا
فاق كل العشق وحده وانفرد
لو يوزع عالبسيطه حبنا
ما بقى حد بها يكره أحد
