تبا لشخصيتي المقنزعة

اللعم تدفشني على هالزوبعة

والله يخزي مشاعري المزعزعة

اللبتروح لعند كل حدا عم يلسعا

كنت عم اتنعنع مع المنعنعة

دبور ومقضييها صلصعة

انا شو اللي بلاني بهالمصرصعة

يلي بس معا عم فوت بمعمعة

وبتمنى اوقات كون متل

صديقتي الاربعينية المربعة

اللبتبعتلي صباح الخير حمودي

ورردة حمرا ما اروعك

غيرت حياتي الوسخة

بطلت سمة التشبيح والجعجعة

ف ياربي ارزقني الاربعة

طفلين وحماية ومزرعة

مافي داعي للناضور انت ركزلي بهالحضور

دقلي حلاوة هالجبن الممزوجة بحلاوة الروح

شفلي عبثية هالجموع قال مبسوطين انو زوجوه

عم يزفوه حاليا بقبر ابيض يرقص فيو اربعة زنوج

طب طب شيلك من هالشوشرة

احسن ما احمر بلوني

افكاري بالراب لك هومي

هي اللبتمعني كون سايكولوجي

قفلنا عبواب التوبة

وانتي صرتي ماضي يا حوبة

وانا خطواتي لورا مابترجع

غير اذا تلفون من بنك عودة

والخضر عيوني ويا نيالي

نجم المدينة ويانيالي

الراعي الرسمي ويانيالي

وباراء ولاد الوسخة اللحوالية انا لن أبالي

والخضر عيوني ويا نيالي

نجم المدينة ويانيالي

الراعي الرسمي ويانيالي

وباراء ولاد الوسخة اللحوالية انا لن أبالي

كنا زهور بالابتدائي

نتلقح بتابير ذاتي

اسبل وايدا عكتافي

عايشين باكتفاء ذاتي

ربطونا بجنزير واحد

بسجن الذكرياات لنسامح

بس ماعادو الخطأ املائي

وماعاد تنفع المحاية

وانا كنت متلك متمعم

كنت متلك متبهدل

مستعد بيع عمري اكمل

ببوست بسوق حمص المستعمل

وبكل ليلة ابعت لربي دعوات على هيئة طلب مستعجل

ماكان همي اني شوف اي مشهد جاي من هالمستقبل

فجأة صحيت الروح بطلت انقز من جسر العبور

ان ضحكولي او ماضحكولي صار متل الموضوع

واللمافي بينا سلام حواجب لما شافتني مشهور

بعتتلي يا مقلتي بتحبن طبيعي ولا Tattoos

فاوعك تنجر لافعالن ولا تكون تحت تاثير الخانوم

وجهز حالك لتحارب اللحاربت كل الناس مشانن

آمن ب طاقتك المكبوتة

كب ارائهم المحدودة

داخل كل مواطن زعوري

مدينة دهب مفقودة

والخضر عيوني ويا نيالي

نجم المدينة ويانيالي

الراعي الرسمي ويانيالي

وباراء ولاد الوسخة اللحوالية انا لن أبالي