هبت الذكرى وخلق الله رقود
وجفن عيني في منامه ما هنا
وضيق صدري زاد وبليا حدود
وش لنا في الحب وش الي حدنا
شوق قلبي كان في حالة ركود
اه من ذكرى الهوى دربه فنا
تعبت أقدامي على درب مسدود
والمفارق نور برقه قد سنا
احسب ان حبك بيرقى بي سنود
لا حصد في عشرتك ولا جنا
ليه تهدم حبنا بكثر الصدود
ليه يا اطيب قلب حبيته انا
ضيق صدري زاد وبليا حدود
وش لنا في الحب وش الي حدنا
وينها ايامك حبيبي والوعود
كلها طاحت وطاح اللي انبنى
في غرامك ضعت ولا شفت الردود
وخابت الهقوات من بعد الهنا
ايه احبك واتمنى انك تعود
واتمنا لحظة لقانا مُنى
بعت من يشريك بعته يا الجحود
والخساره واضحه ما بيننا
كثر خيرك يا الغضي والله يجود
ما لقينا في هواك الا العنا
