١. أيوَه فاكِر لَمَّا كُنت لِسَّه طِفل صُغَيَّر

صاحبي في المَدرَسَة قال لي سُؤال يحَيَّر

إزَّاي بِتقول ان رَبَّك هوَّ القَدير

يتوِلِد في العالَم هِنا ويعيش فَقير

وفي مَكان ميلادُه مالهوش حَتَّى سِرير

لَكِن قُدَّام الكَلام .. باقول

ق. كُل النَّاس مِحتارَة .. دي محَبَّة جَبَّارَة

مين يقدَر يقبَل الخُطاة

فِعلًا مِش مَعقول .. فاق كُل العُقول

حُبَّك لينا يا الله

٢. أيوَه فاكِر لَمَّا شُفت الفيلم فيلم الميلاد

مَريَم ويوسِف بيسافروا بين البِلاد

وفي عَذاب مِش لاقيين أيّ أوضَه في كُل الفَنادِق

والمَلِك بيدَوَّر عايز يقتِل وفي حِقدُه غارِق

إزَّاي وِسط كُل دَه مِكَمِّل بِحُب صادِق

لَكِن قُدَّام الكَلام .. باقول

٣. أيوَه فاكِر لَمَّا شُفت المِذوَد جوَّه الكِنيسَة

حَواليه ناس كتيرَة بتِحتِفِل لَكِن تَعيسَة

لِبس وأكل وشُرب وتَدَيُّن فينا مُخيف

ليه وهوَّ عارِف شُرورنا بَرضُه لَطيف

ليه يتجَسِّد عَلَشان ناس عايشين في زيف

لَكِن قُدَّام الكَلام .. باقول