تتر مسلسل ارابيسك

كلمات سيد حجاب

موسيقى والحان عمار الشريعى

للفنان حسن فؤاد

انتاج شركة ماجيك ميديا برودكشن للأنتاج الإعلامى والإذاعى

Magic Media Production

وينفلت من بين إيدينا الزمان

كأنه سَحبة قوس فى أوتار كمان

وتنفطر ليّام.. عقود كهرمان

يتفرفط النور.. والحنان.. والأمان

وينفلت من بين إيدينا الزمان

______________________________

الشر.. شرَّق وغرَّب.. داخل لحوشنا

حوشوا.. لا ريح شاردة تقشقش عشوشنا

حوشوا.. شرارة تطيش.. تشقق عروشنا

وتغشنا المرايات.. تشوش وشوشنا

وتهيل تراب ع الهالة والهيلمان

وينفلت من بين إيدينا الزمان

______________________________

الغش طرطش.. رش ع الوش بُوية

ما دريتش مين بلياتشو.. أو مين رزين

شاب الزمان.. وشقيقى مش شكل أبويا

شاهت وشوشنا.. تهنا بين شين وزين

ولسه ياما وياما ح نشوف كمان

وينفلت من بين إيدينا الزمان