يعدي اليوم ودماغي تعمر بالهموم
دولابي مليان شماعات للظروف
بصبر لنفسي بالأحلام ومش بشوف
اصحى ليل أو صبح برضو مفيش نور
شد ستارة ع الشمس
عايز اعيش في الامس
الوقت بيجري وللاسف
لسا في كلام هيتكتب
بدلت الالم بالقلم
والوقت كان هو التمن
عمري ماسالت عن السبب
بس نفسي اوصل للسبب
ايه الهبل دا
هو أنا موجود عشان
السبب دا
كل دا كان بس كلام
ع الورق دا
وفي الاخر الهدف
اتحسب اوفسايد
والحكم كان
أنا وانا وانا وانا وانا وانا
كل حاجة بكتبها بقول أنا وانا
سايب ليكو سبب واخد منكم الم
ومش فاهم الباقي أنا
بس
هعمل في تراكاتي
بضم ع الهادي
هتسيبني امشي واروح
مش دا كله كان مكاني
خايف اضعف تنساني
أو يطلع مش مكاني
بس صوتي بيحسسني
أن مليش مكان تاني
مليش مكان فيها
نوح ع السفينة
لازم تمشي بينا
الموج مكنش لينا
روح جوا المدينة
ارواح كتير حوالينا
التغيير مكنش لينا
مكنش لينا
اوقات كتير كنت لازم انزل واجازف
أنا بلعب وارازي أنا بصد واهاجهم
وفي المقاسي كله كان ع مقاسي
لاب وزور كارت صوت
مايك وهيدفون
بس دا المطلوب
عبيلي كلام في سطور
نعمل حاجات للعمر
نعمل حاجات تدوم
نطلع بيها عن المألوف
١٩ سنة كنت بجري فيها لوحدي
الوقت مكنش بيكفي
الكلام ع أيدي
الدنيا مش بتسعني
النجم دا بيلمعلي
الحلم بيقول الحقني
كنت شاب عادي هادي
شوية غريب وغير اعتيادي
كنت شاب مؤذي فترة
وفترة اتغير فترة اعاني
من انهاردة هحاول اتغير
من انهاردة اجرب تاني
لو وقعت اقوم من تاني
اخد تاني ع دماغي
كنت بجرب كل شىء كان مكتوب
كل شىء وجعنا كان بيهون
طب وانا زي مانا ع طول
لا مش زي مانا ع طول
احساس الندم كان بياكلني
مكنش مبيسبنيش
الوقت بيجري
ومبيعدنيش
اقولك ايه اعملك ايه
عشان ترضي عني مره وتسيبني
مش هقول اني وحيد لا لا
دا مش اكيد
كنت ياما كتير بسيب
وناس في الحكاوي تعيد
وقت النوم بكون وحيد
اصحي الصبح اعيش غريب
لما اتم أنا العشرين هطفي كام شمعة
واكيد مبقتش اعد
مبقتش اسيب الوحدة تيجي جمبي
ولا احب اني اجري واهد الي اتبني
دفعت التمن، حتي لو انا مبقتش زي مانا
اتاكد اني هبقي احسن، اتاكد اني هسمع
اتاكد اني هفهم
حتي لو
الطريق نساني انا مين
او اضطريت اني اعيد
هرجعلك تاني مهما اغيب
