يا دنيا ليه قاسيه كده ؟
فيكى دخلت ولا اتسألت
تهت وغرقت
ليه كل ده ؟
سايبك خلاص منك زهقت
كل الصحاب ماشيين ورايا
فوقهم شايفهم كلهم جايين معايا
بنده عليهم صوتى عالى
يا خساره مش سامعين ندايا
هيوصلونى ويرجعوا
بنده عليهم اسمعوا
من جوه قلبى هتوحشونى
من غير بكى من غير كلام
من غير وداع
من غير دموع
من غير سلام
عشت السنين وياك وبنسى
واهو دورى جه
ايام وكل الناس هتنسى
ّبس اوعو تنسوا اللى خلقنا خير وشر
ّلحظه وهتلقوا العمر مر
ّوالدور هييجى مفيش مفر
سرّ الحياه سرّ الوجود
جوّانا آه ملهاش حدود
نكره فى ناس بتعيش سنين
ونحب ناس زهره شبابها بتنطفى قدام عنينا
والمعنى موووووووووووت
مين اللى ينسى وينسى إيه؟
ده انا لسّه سامع ضحكتك فى ودانى رنّه
شايفك بعينى وبسمتك رايحه وجايه
لو ينسى كل الكون ملامحك مش هننسى
لو عدّى بعدك الف يوم بعدك ومهما الدنيا تقسى
هتكون معانا فى فرحنا وفى حزننا
هتعيش هوانا
واللى بينسى بينسى حد براه يكون
لكن مكانك فى القلوب
بين الجفون جوّه العيون
جوّه العيون
يعنى اللى ينسى ينسى روحه
والروح عليه ازاى تهون
ازاى تهون
ازاى تهون
