عرفتك والزمن غافي هويتك و الجدايل سود

عشقتك لما كان الهم شنطة ومدرسة وألعاب

كنت أحلى صبايا شمس اجمل و آخر العنقود

كبرت هالصغيرة وشفت وشلون الهوا كذاب

عطيتك و الهوا ماكان شي بدنيتك موجود

صدقت الهوا نعمة صدقت الهوا غلاب

رسمتك عالمي الوردي وزيّنت القمر بورود

سميتك حبيب القلب ولا غيرك لقلبي طاب

أول غلطة سامحتك علما هالخطا مقصود

قسم بالله مافكرت لا في لوم ولا في عتاب

غلطة ثانية وعدّيت ياعل وعسى ويكود

حالك يوم يتغيّر وأفتح للرضا أبواب