جيت اليوم يا بلادي نقول فيك أنا قصيده
فيك يا ما سوفريت و مزال
ماجيتش نضحك ولا نشكر كي هادوك
جيت نخوي قلبي انا على لي باعوك
سمعو كلامي و لي حس بيه أنا يعذرني
من غلبي أنا نغني عليها
شفت فيك الحلو يانا و المر شويا اكثر
طامع في يوم يجيني منك خبر
مزال صغير أنا و شاب راسي
عايش كي اليوم كي غدوه كي الباصي
وقتاش يا دنيا ضحكي ليا تانا و هاي وعدي و هاي قلبي
شلا احلام يا بلادي فيك ماتو
شلا شبان ياولفي منك هجرو
صدو للبحر انا يا موت يا غربه
كي هادي كي ديك ملوها حكره
دموع الميمات على الخد دارو ويدان
على كبدات في بحر كلاتها حيتان
هذا خلا طفله حبها حينت قليل
هذا سمح في قرايه حينت زهرو قليل
لاخر يقابل ليل و نهار فالبابور
يستنى حركه بلاك جابها فور
يا رب العالي قل لي لوين هاد الحال
هذا مكتوب قدر ولا ذنوب
هذا مكتوب قدر ولا ذنوب
هذا مكتوب قدر ولا ذنوب
يا ربي فرج يااا ربي فرج
على كل من ضاقت بيه
