انا من وين لي طاقة؟
و قدره اتحمل زود؟
بي اشياء اقدر احكيها
و اشياء بي صعب تنقال
انا ماني احبك بس
احبك حب ماله حدود
معك لا عيب لا ممنوع
بزلزل هالبشر زلزال
يا عم الناس و سيد الناس
تروح و مركزك ماجود
غرورك زينه ربي
و بين ضلوعنا تختال
يا متعالي يا متكبر
خلقك الله بلا منقود
و اذا بوصفك و اكمل
بقول اشياء ماتنقال
الهي صورك آيه
كسرت المنطق المحدود
ذبحت قلوب لا تلمس
ولا تقرب ولا تنطال
سليل المسك لا منه
تمرد و اختلط به عود
يسيل النور بقدومه
تميل الأرض لا من مال
يا عم الكل فداك الكل
حلالك صد غيب و عود
يا فارق عنهم اتعب
حبيبك و اشغله و احتال
يا سبحانه تجي مرتاح
و غيرك يقتله المجهود
و لا فاده ابد جهده
يجي و يروح نفس الحال
