حبيبي لا تواسيني ترى خوفك علي ذباح
دخيلك لا يهمك شي من همومي ولو صاحت
انا اللي بنقل همومك مع همي وعش مرتاح
ترى لي شفتك بقربي مصابيح الأمل لاحت
تقول ارتاح لا تتعب وانا اقول الزمن ما ارتاح
إلى داويت لي عله وراها علةٍ ناحت
حبيبي هذي الدنيا نقضيها صبر وكفاح
وهي من يوم ابونا ادم ابد ماعمرها إرتاحت
دواها الصبر والفاهم ترى صبره لها مفتاح
أبصبر لو دموع القلب من عيني لها ساحت
تبسم لا تواسيني ترى همك لعيني راح
إلى شفتك تبسم لي تأكد علتي راحت
كلمات/ الامير خالد بن سعود الكبير
الحان / ابراهيم الدخيل
