فكر مرتين ما انت خسران دافع مهرين
متحرر بس بعدك ماشي كانك نهرين
عايش بالنص لحالك محاصر بقصرين
كفر أسد كفر جايز نفص الحاصل كفرين
نصر الله نصر شعبه مقنع حالك انهم نصرين
طخيت اول نسر بس ناسي انهم كانه نسرين
ناسي عارفين حالهم عندي بدل الظهر ظهرين
بصبر مش بس يوم عادي بوقف مكاني شهرين
لازم السطر يكون ماكن ويكونو كاملين السطرين
لو بدنا نقسم الحصص باخد لحالي شطرين
اذا العين بالعين رح يصفي عنا عميان اثنين
كل شي نصين اشي الك والباقي كله للدين
الربيع خرب والخريف برد صفى فصلين
في كثير اعراف بس احنا عايشين بعرفين
منفصلين لدرجة بتحس انه عاملين عرسين
شو احكيلك لما هو حارس واحد بس عنا قردين
السنة فيها ١٢ برج الا عنا برجين
الخزانة ملهاش بواب وفاتحين الدرجين
في ناس لما بتاكل كفين بروحوا عالخدين
بس عالاكثر بكونوا ٤ عندهم وجهين
العملة مش وحدة في الها شكلين
في سهل وصعب بنرحب اهلين وسهلين
هاي البلاد فيها جبال كثير وسهلين
في بينا نهر فا اكيد هم ضفتين
بلكي بتكون احسن لما يكونوا حظين
والطريق تكون اطول اذا هم خطين
بلكي المي توصل اذا عندهم سدين
والدموع من السما تنزل وينفتحوا البابين
الراس واحد ومع هيك عنا حطتين
الارض وحدة ومع هيك في خطتين
الاغلب حر وفي اشياء رابطة الايدتين
شايف الكل بنجر في اكثر من حبلين
