انا ثابت وسط عالم مهزوز حياتي بتبوظ يوم ورا يوم
فقري ومنحوس ولا ليا حظوظ ولا حيلتي فلوس انا حيلتي هموم
١٠٠ الف حكايه وروايا جوايا انا بحكي معايا منا اصلي كتوم
بس انا متأكد ثقه ف الله بكره هتفرج والهم يزول
حاسب يا بابا
للعصابه
لو تقف قصادنا يبني راح تدفع غرامه
احنا الفخامه
والاداره
الشغله بتاعتنا واحنا اللي ماسكين الطاره
احنا لما جينا كلو من حضورنا خاف
ع الارض تقال لكن علي القلوب خفاف
احنا الاكتشاف واسأل اللي شاف
احنا يبني طفره احنا يبني الاختلاف
علطلاق عمده ابن عمده
علطلاق ملك ابن ملك
العو فيكو بشوفو قطه
قدامي كلها بترتبك
مش من بلدكو ولا جيتها
ومسمع فيها يا حليتها
انا ربنا اداني كاريزما
اما انتو تاخدو بالجزمه
احنا القراصنه
ملوك ف كارنا
احنا لما نيجي الابطال بتستخبا
كفتنا طابه
بدون مقارنه
احنا لو حضرنا ف اي حته نقلبها
الملك ف ارضو واحنا ف اي ارض ملوك
مش هتطولنا برضو واسأل اللي سابقوك
لما بتحكي عنك انت الناس بيكرفوك
ف بتحكي عننا علشان الناس يسمعوك
فكرني بيك علشان ناسيك والله مش واخد بالي
استني افكر استني ادور عليك ف دماغي
انا مش بفخم انا مش بكبر عليك والله
بس الظروف خلتني اشوف ف دماغي واحد تاني
انا ماركه وانتو ع البركه
ف ضهري مافيا وعمالقه
و ف اي لعبه ندخلها
ندخل نخلص الثفقه
انا اي ارض بنزلها
ابطالها ياض بشيلها
الحاجه عندك اسألها
بلاش عليك ازعلها
انا ثابت وسط عالم مهزوز حياتي بتبوظ يوم ورا يوم
فقري ومنحوس ولا ليا حظوظ ولا حيلتي فلوس انا حيلتي هموم
١٠٠ الف حكايه وروايا جوايا انا بحكي معايا منا اصلي كتوم
بس انا متأكد ثقه ف الله بكره هتفرج والهم يزول
