تتغير الازمنه
تتبدل الامكنه
تتجدد الاجيال
من يوم ما ادم نزل
على ارضنا لم يزل
والى الابد ينقال
هتفضل الحرب دايرة
ما بين بني الانسان
وكلمه الحق حايرة
على كل طرف لسان
وناس تخادع ناس
وناس تلاوع ناس
لو حتى وصل الامر
كعب القدم ينباس
وناس تعاشر ناس
بالود والاخلاص
ولا ترضى مهما كان
على طرفها ينداس
النفس هيا كدة كدة
اغلب مافيها شر
واللي في قلبه الرضا
صابر صابر ومهما انضر
ولابد يوم هايشقشق
فجر الامل والخير
والحق صوته يزقزق
ينقل لغات الطير
ويفك حلقه دايرة
ويحطم الاوثاد
وتفضل الحرب دايرة
مابين بني الانسان
