نص ميت وفى مكانى ممتنع عن أى دور
واللى فاضل نص تانى بس معدوم الشعور
نص إحساس جوا منى .. بين جراحى والتمنى
نص حلم ومخاصمنى .. لسه بينى وبينه سور
نص ميت وفى مكانى ممتنع عن أى دور
واللى فاضل نص تانى بس معدوم الشعور
صوت بينده من ضميرى يقوللى إن الوقت فات
وحاجات تغير خط سيرى ترفض اعيش لحظة سكات
صراع رهيب بيضلنى وضمير بيرفض الغلط
وسط الغيوم بيدلنى ويلم منى اللى انفرط
لسه الأمل جوايا عايش بشوفه مع نور الطريق
لسه الضباب فى عنيا حايش يصد احساسى البرئ
مش مستحيل أرجع أعيش وامشى واكمل سكتى
جوايا حلم ماينتهيش وصوتى لسه فى كلمتى
نص ميت وفى مكانى ممتنع عن أى دور
واللى فاضل نص تانى بس معدوم الشعور
أنا أيوا عايش نص ميت لكن بدور عالأمان
محتاج أعيش إحساس معين
ولاقيته فى صوت الأداااااااان
