وعدتيني سوا نبقى انا وانتي وعدتيني
ولكن ما بقالي غير جرحٍ منك ما يبرا
بعيش العمر في غربه مدام انك خذلتيني
صبرت الين قلبي منك مل ومل من صبره
أكابر وابتسم واخفي الألم ويبان في عيني
حزين ولو تحملت الألم خانتني العبره
صراحه ما توقعت انك تسوي كذا فيني
يا طول اليوم والليله ويا مبعد علي بكره
رَحَلتي لا وداع ولا فمان الله تركتيني
خلفتي ما وعدتيني عليه وخنتي العشره
خطاي اني جعلت احساس قلبي لك يوديني
وخطاك أكبر من اني ادمحه وانساه من كبره
فقدت الحكي لا مني سمعته منك يغريني
ماكن المبسم الا عقد لولو في وسط جمره
وحشني قدك وكلك على بعضك وحشتيني
وأحن لطلتك قدام عيني بس لو مره
عيونك شاقني من لحظها نظره تكفّيني
ونون عيونك اللي شاقني محتاج لي نظره
خساره ما بقى شيٍ سِوا همي يواسيني
أكن بصدري الونه وجرحك بي على خبره
معاد يهمني حبٍ كوى الكبد وشراييني
لو ان الشوق لك بين الحنايا ما برد حرّه
وداعاً لا لقا بعده بيجمع بينك وبيني
فمان الله يا حبٍ رحل ماني بمنتظره
