مش باينة و مش مفهومة
بستنى على ما أهدأ، يمكن تطلع موزونة
و بنسى
و بفكر فكرة جديدة
و في ثانية إلا ثانية برجع للفكرة الأولى
فكرة
مش باينة و مش مفهومة
بستنى على ما أهدأ، يمكن تطلع موزونة
و بنسى
و بفكر فكرة جديدة
و في ثانية إلا ثانية برجع للفكرة الأولى
الواقع متكركب مش ساطع
حاسس بحالة
تعباني و عملالي تشتيت في خيالي
مش قادر أبقى عبارة عن شخص تاني
بيعاني و بيتعب بس خايف أقلب أناني
مش عارف الصح فين
هل أنزل أحارب
و أضرب السالب بالسالب
ولا أفضل أحاول
أنجح و بشكل مسالم
أدي فكرة و أدي فكرة
واحدة في الحلم و أختها ذكرى
واحدة تتحول للتانية في ثانية
تحجبها، ماتكونش باينة
هل أصرف دولار، و أجيبه بالشيء
ولا أضرب بالنار طلقة ricochet
تترد فيا، في أعز ما ليا
إمتى أبطل أخسر شوية بشوية
إمتى أبطل أسأل عشان أعرف طريق
إمتى الدنيا تيجي سكة بدون ما تضيق
إمتى أنافس لوحدي و أتملك مساحتي
و أعيش بقى براحتي لو ايه الدنيا تجيب
عاوز أفهم، ليه
ليه لما أقابل الخطوة
بقلق و أستنى و بمشي و أتبرأ
من الصح و مابدوسش فيه
مش سهلة، ok
عارفين إنها مش سهلة و بتهلك الواحد
و عايزة محارب يستحمل إلي جي عليه
بس أنا واحد مقسوم اتنين
أو واحد إتعود يكون بوشين
وش بيسعى و بيخاطر
و التاني عامل للزمن خاطر
و الإتنين بيأكلوا في وش بعض
عركة تصعب السهل و الصعب
صعبان عليا حالي
و مش قادر على فكرة إني أفهم مالي
الواقع متكركب مش ساطع
حاسس بحالة
تعباني و عملالي تشتيت في خيالي
مش قادر أبقى عبارة عن شخص تاني
بيعاني و بيتعب بس خايف أقلب أناني
مش عارف الصح فين
فكرة
مش باينة و مش مفهومة
بستنى على ما أهدأ، يمكن تطلع موزونة
و بنسى
و بفكر فكرة جديدة
و في ثانية إلا ثانية برجع للفكرة الأولى
فكرة
مش باينة و مش مفهومة
بستنى على ما أهدأ، يمكن تطلع موزونة
و بنسى
و بفكر فكرة جديدة
و في ثانية إلا ثانية برجع للفكرة الأولى
