مكنتش صدفة
ان احنا نتقابل
ودا الدرس اللي انا اتعلمته
الورد هيفضل اسمه الورد
مهما كان دابل
ف يوم كان للمكان زينته
وانا زينة الرجال ف عنيهم
سبت كل اللي حبوني واخترتك
صحيح مراية الحب عامية
والغلطة اني قدرتك
فشفت حقيقة ابيض واسود
متغطية بالالوان
بقيت اتمني اكون ناسي
او حتي فضلت من العميان
خلتيني اضعف من ع الارض
بعندك وخوفي وغبائي
خلتيني افكر ف كل اللي فات
وكاره نفسي ف الباقي
خلتيني انام وانا بعيط
وافكر كان ممكن اعمل اي
ف مواقف كتير حصلت
بس برده خاني ذكائي
..
مشفتش منك غير القسوة بزيادة
انا الكداب وكالعادة
دايما مطلوب مني اعتذر
اقسم بربي انه كان حب
مكنش سذاجة
كنت عارف انك كدابة وبفوت
واقول يمكن مش عاوزة تزعلني
لحد ما لقتني بتعود اسامح
وانسي بدون ما تحاول تفهمني
حتي كلمة اسفة كانت تقيلة عليها
..
كل الكلام مكتوب عَندك
كل الموضوع كان عِندك
اعز ما ليا كنت بسيبهم
والسبب كان قرار منك
اكمنك يعني مش مرتحالهم
ودايما شايفة انك ف بالهم
وانهم مش خايفين عليا
طب اديني بعدت عنهم
قدمتي اي انتي ليا
غير خيانة ف ضهر مشروعة
يا جاية وفيا مخدوعة
وفكراني هسامح المرة دي
لا فوقي..انا مش هشيل ذنبك
رجوعك بقي حاجة ممنوعة
كان ممكن من الاول اسيب اول
لكن قلبي مطاوعنيش
كل الكلام كان كدب
حتي ف حبك مصدقتيش
ولما جيت اتكلم عنك
قفلتي ودانك مسمعتيش
والله كان همي مصلحتك
اشهد اني عمري ما جرحتك
ولا خنت العهد اللي قطعته
يا ريتني ما كنت قابلتك يومها
يا ريتني كنت محبتكيش
كل السنين اهي بتفوت
وحكايتك لسة مفارقتنيش
انا جوايا كان ميت
وحابب احب تاني واعيش
ف اشوف لنفسي اسباب زايفة
عشان اقدر اتحمل
وادوب جوا زحمة ناس
يمكن انسي واكمل
واحط برفان وهتجمل
واعجب بنات كتير زيك
تقريبا نفس عينتك
ف انا بدوري عينتك
المسؤول الاول علي وجعهم
هكلم دي واقابل دي
وهمشي بدون ما هسمعهم
