النور قاطع من بعيد
زاد الهم هم عليا هم جديد
مر شديد مر شديد
الوضع تقيل الوضع تقيل
انا مش أنا ده حد غيري
بليل النوم بيطير من عيني
انا غريب انا مش ف بيتي
الدنيا مطارداني توم وجيري
ف الاوضه وحيد
ف الشله غريب
ف الضلمه حبيب
ف الواقع مريض
ف الواقع مجنون
انا مسجون
ف الدنيا مخنوق
للموت بروح
بالوحده بكتفي
بكتابتي بتشفي
الحلو بيختفي
ع وشوشنا بنتكفي
ع ايدينا بنقوم
وبنرجع نقع
ف الغويط بنعوم
ونتملي بقع
ف ركن مرمي جوا السجن
ضميرك يصحي تلاقي قلبك يحن
تفتكر الماضي مخك يتشل
تقولي ازاي .. ازاي ده اتهد
#انا_مش_انا دي حاجه اكيده
بنات افكاري دول بنات شريره
حاجات غريبه حاجات مريبه
حاجات مضررره حاجات مفيده
الحل مكنش ف خيالك الواسع
مش مديها مرشديه ليه انا راجع
واقف فوق السحاب ليه شايفني واقع
شبعان بس لو انتو الي ع التربيزه ف انا جائع
وانتي فاكرك انا مش ناسيكي
كنتي ارخص من اني اشتريكي
نتقابل ف الشوط التاني هتلاقيني
مش هتلاقيني انا الي واقف مستنيكي
مستنيني اقع دي اخرة البقع
صوتهم مزعج صوتهم صوت بجع
ده مكنش اسمه طمع ده كان اسمه جشع
الدنيا فيلم رعب الدنيا فيلم بشع
قربت لربع قرن وبقيت مش عايز اكمل
دماغي من كتر التفكير بتيجي بليل تنمل
مُجبر اعيش هنا من غير ماعترض او اتكلم
مُجبر اتعذب ف اوضتي حتي من غير ما أتألم
مجبر وموافق
طريقي من غير مرافق
زميلي انت منافق
ملقتش ليا منافس
قلم من الدنيا ع شلوت
القطر بيسبق القطر بيفوت
العمر بيسرق الصحه بتخون
القلب بيقلق والعقل بيدوخ
انا مش انا دي حاجه اكيده
بنات افكاري دول بنات شريره
حاجات غريبه حاجات مريبه
حاجات مضررره حاجات مفيده
الحل مكنش ف خيالك الواسع
مش مديها مرشديه ليه انا راجع
