أحكيلك عنها أقولك إيه غير إنها هي اللي أنا حبيتها و حبها سر و عايش فيا
ماكنتش بتحكي و مطمنه في الكون غير ليا
كانت تحكيلي عن حب جديد بسهوله كدا عادي
و ابقي هموت هتجنن منها و اعمل فيها هادي
بتعذب من يوم ما عرفتها..
و دا حالي يوماتي
عايش أيامي كإني وحيد..
و بجد عانيت
و الناس بتلومني..العمر بيجري..و ليه خبيت
طول عمري بخاف م اليوم دا لا يجي..و ابعد و انساها
جربت أنساها بغيرها و قول كان ماضي و فات
توحشني..اروح اتمني اشوفها لو في سكات
ارجع و اصارح نفسي و أقولي - لأ - خلينا أخوات
احكيلك عنها أقولك إيه غير إنها عمري
عمري اللي انا عشته و بحلم بيه و مغلوب علي أمري
أيام بليالي ما شوفتش نوم و لا جه يوم زارني
اصعب احساس لما بكون ناوي خلاص هصارحها
ارجع في كلامي و أقول - لو قولت - اكيد هخسرها
ما هو لو بان حاجة في عنيها كان قلبي اكيد فسرها
عايش أيامي كإني وحيد..و بجد عانيت
و الناس بتلومني..العمر بيجري..و ليه خبيت
طول عمري بخاف م اليوم دا لا يجي..و ابعد و انساها
جربت أنساها بغيرها و قول كان ماضي و فات
توحشني..اروح اتمني اشوفها لو في سكات
ارجع و اصارح نفسي و أقولي - لأ - خلينا أخوات
