الدم يحن ياكويت.. بعروقي ونبضي
الشوق خذني وجيت.. والشوق مايقضي
ومن السعودية
شلت الغلا فيا
وأهلي أهل الكويت.. والأرض هي أرضي
والدم يحن يا كويت.. بعروقي ونبضي
الدم يحن مشتاق.. يحضنك ياالغالي
ياريحة أغلى دار.. من أول وتالي
وحب السعودية
بقلبي ما هو شوية
ومثلي أهل الكويت.. ماني أنا لحالي
والدم يحن مشتاق.. يحضنك يا الغالي
قلبي سبقني وطار.. لا ما أخذ أذني
يا كويت فيك الحب.. من قلب واحشني
ولو طول أغيابي
أوله على أحبابي
واشم هوى الكويت.. وأخذه في حضني
وقلبي سبقني وطار.. لا ما أخذ أذني
تكفى يا أغلى الناس.. هذا أنا وصيتك
عطر الرياض القاه.. بيدك لا لاقيتك
وسلم على أهلي
من قبل توصل لي
ماكنك ألا جاي.. من بيتك لبيتك
وتكفى يا أغلى الناس.. هذا أنا وصيتك
