سلمولي علي الصحاب الي فيهم ظني خاب
فيهم الي اتخلي عني وفيهم الي فحقي عاب
وارجع يا وقت وريهم هما كانو ايه .؟
نسيو اصلهم واللي اتربو عليه….
يا شدة شدي بزيادة وافضحيلي الي كانو بيقلولي في الشدة رقابتي سداده
ناس تحبك وانت عالي وناس تسيبك لو وقعت .
يبقو جنبك فى العلالي ويسبوك لو اتوجعت .
وناس بترتحلك سعات ياخدو قلبك من سكات
يخطفوك من غير كلام اصل فيك منهم حجات
وناس تحب وناس بتخون .
وناس تشوفها يجي ميت لون
ناس تعيش فرحانه بناس
وناس عليها الحب يهون
ناس عايشة حياتهم ع النميمه دول ضمايرهم مش سليمه
ميحبوش يشفوك في خير دول ناس ملهمش قيمه
ناس حلوة بس من بره ومن جواها ناس مره
تشوفهم تقول دول دهب وهما فالصو بالمره
عايشين في دنيا وشوش في وشوش وخلق قاسيه مبيرحموش
عايشين نخدع عايشين نبيع يارب سلم يارب حوش
كلها ايام وهتعدي والناس الي بتلمع هتصدي
