أنا بعشق البحر
زيك يا حبيبي حنون
وساعات زيك مجنون
ومهاجر ومسافر
وساعات زيك حيران
وساعات زيك زعلان
وساعات مليان بالصمت
أنا بعشق البحر
أنا بعشق السما
علشان زيك مسامحة
مزروعة نجوم وفرحة
وحبيبة وغريبة
عشان زيك بعيدة
وساعات زيك قريبة
بعيون متنغمة
أنا بعشق السما
أنا بعشق الطريق
لأنه فيه لقائنا
وفرحنا وشقائنا
وأصحابنا وشبابنا
وفيه ضحكة دموعنا
وفيه بكيت شموعنا
وضاع فيه الصديق
أنا بعشق الطريق
أنا بعشق البحر
وبعشق السما
وبعشق الطريق
لأنهم حياة
وإنت يا حبيبي
إنت كل الحياة
