ياصاحبي وينك ترا
عيني محاربها الكرا
غيرك ترا لا ما ارا
وين انت يا اغلا حبيب.
من بعد شمسك لي ظلام
حرام تعذيبي حرام
ابكي وعضيت البهام
الشوق يوقدبي لهيب.
بارع بتخبيل العقول
وانته تصول وبي تجول
اهواك يالريم الجفول
دايم وجودك مايغيب.
يازين نظرات العيون
زينك مجنني جنون
تسحر وتسبي يافتون
يامالك الحسن الرهيب.
حالي واحلا من شذا
ياسارقه عنق المها
انت الدوا وانت الشفا
ياملح ملحك لي عذيب.
شوفتك عندي يوم عيد
ياواحد بقلبي فريد
اضلوع صدري لك عبيد
ياناكس الراس الصليب.
تامر وامرك لي مطاع
وللغير ضيقت الوساع
ياكم لي فالحب ضاع
ياليت تبقى لي قريب
