دايما في الوقت دا بحس اني تايه
بغرق في نفس و الووب و اعيد القصة تاني
لية لازم دايما انتي اللي تكوني كسبانة
سعات بحس اني معاكي عشان سحرالي
حبال الامل هي هي حبال الوهم
تتلخبط تمسك دا و تقع في نفس الفخ
بس لما اشوفها انا بضرب نفس السهم
فاقع في نفس الحفرة و ارجع تاني اهتم
نازل الماتش اصلا واحد صفر ليها
و الجول دا جبته في نفسي بس عشان ارضيها
نفسي اوصل لحد الشط عشان اعيش
بعوم وسط القروش و معنديش وقت اخيب
و سلام سلام
هيوحشني صوتك اللي حسسني اني تمام
هتوحشيني في الشتا و هيوحشني الكلام
و نظريتنا لبعض اللي كانت مليانة كلام
دي اللحظة اللي بنقول فيها سلام
سلام سلام سلام
اخدتي مني اللي عايزاه و سبتيني في الطريق
مش عارف الوم نفسي ولا الوم النصيب
سعات و انا معاكي بشوفني غريب
سعات بنزل لوحدي و ارسم الطريق
انا فاكر اللحظة و كاتب التاريخ
انا فاكر المكان فاكر الحديث
خضة عينيكي لما شوفتيني بسيب
ضحكت عينكي لما رجعت من جديد
عمال اخسر اخسر اخسر
علي نفسي متحصر
لما بقيت اتبسط لحظة
بقيت بخاف و استكتر
بقيت علي طول متوطر
و في الاحلام بنكسر
و في ذكريات بتاثر
ابتسامتي دايما علي وشي بس انا مدمر
اسم علي مسمي تحسها موامرة كونية
عيني شايفني نجم منور كل السما دية
و عينها مش شايفاني رغم انها عين سحرية
و النهاردة عيدميلادي و بالنسبالي هي الهدية
