صحيت من نومي فجأة

على حلمي البعيد

وعشت لحظة غامقة

ازاى اعيش سعيد

حسيت اني طاير

وقلبي من حديد

وايه الفايدة طاير فى الحلم يا عبيط

قررت يومها اسافر واهاجر المدينة

وقولت لما اسافر هسافر بالسفينة

سفينة المواجع مش واقفة على ميناء

واتاري البحر راجع لبلاده الحزينة

وشوفت موجه عالية بتشاور من بعيد

بتقولى البحر قاسي عايزاك تكون عنيد

انا عنيد بالفطرة ونفسي اعيش بكرة

وبكرة ده اللى رايح هعيشه وهفضل اكافح