سلامات يا الي زمان القلب ما شافك
والقلب مشتاقلك ومريد خورافك
يا مرحبابك على ما تشتهي وتريد
وتريد غزلان والله من بنات العيد
سلامات يا الي زمان القلب ما شافك
والقلب مشتاقلك ومريد خورافك
وبلادِ جاها المطر وبلادِ ما جاها
وبلادِ جاها كحيل العين ورواها
مرتاحِ يا بَدن لا حرمة ولا عيّل
مرتاحِ سنة الغلا والناس بتكيل
وحبابنا من قشلهم فرطو فينا
من قلة المال باعو واشترو فينا
والله يا حباب لنقسم ونرضيكو
يا الي الرفق والمودة ما تمر فيكو
والله يا حباب لنقسم ونرضيكو
واحنا قطفنا السبل ضل العاليق ليكو
والله يا عين لاحرق رمشكي بالنار
يالي رفقتي الندل والطيبين كتار
والله يا عيني لاحرقكي واداويكي
يا الي الرفق والمودة ما تمر فيكي
سلامات يا الي زمان القلب ما شافك
والقلب مشتاقلك ومريد خورافك
خورافك: الكلام معك، تشتهي: تحب، بدن: الجسم، حرمة: زوجة، عيّل: طفل أو ابن، بتكيّل: شراء المونة، الرفق: الصحبة، السبل: السنابل التي تحمل حبات القمح، العاليق: التبن، قصب القمح (أكل الدواب).
