ترنيمة لما الشمس تغيب

قرار ؛ لما الشمس تغيب واشعر انى لوحدى غريب

بلقاك انت يا ربى قصادى شمس البر فى وسط صليب

1 شمس حياتى تشرق مرة وتغيب مرة

مرة بتصبح قدامى حلوة ومرة الاقيها صعبة ومرة

لكن فجأة بتشرق شمسك تملا حياتى سلام ومسرة

2 رب المجد وشمس البر ماحى ذنوب البشر المر

اشرق جوه قلوب أولادك يعرفوا تانى طريق البر

توهة يزينها الشيطان وسط ظلام وجدار وحيطان

لكن شمسك ديما تشرق وتنور قلب الانسان

3 ربى يا غافر ذنب جدودى انا انسان عرفنى حدودى

ما تخليش الغربة تاخدنى وأتوه وأنسى أصل وجودى

مد ايديك خد بأيديا زينلى طريق الأبدية

خايف أضعف يضعف فيا كل امل فى سماك وخلودى