-يَا قِدِّيسي رَفْقَا صِرْتُوا تْلاَتِي رِفْقَه إِنْتِي يَا أَميِنِي وْشَرْبِلْ وِالحَرْدِيني

خَلُّوا بْلاَدِي زِينِي تَحْتِ السَّمَا الزَّرْقَا يَا قِدِّيسي رَفْقَا

كيرياليسون كريستياليسون (2)

-بْلادِي بْلادِ الإلفي وِالطُّهرْ وِالقَدَاسِي زَرْعُوا فِيها الْخِلْفِي وِالقَهرْ وِالمَآسِي

صَلُّولا لَتِرْجَعْ صَوْتِ الْخَالِقْ تِسْمَعْ بْلادِي هِيْيِ مَرْجَعْ وْمَرْجَعْ لاَزِمْ تِبْقَى

يا قِدِّيسِي رَفْقَا كيرياليسون كريستياليسون (2)

-بْلادِي لْإِلْهَا سْنِينْ تْطَوِّبْ قِدِّيسِنْ لَوْلاَ فَلُّوا وْلاَدَا مْنِتْرِكْهَا لَمِينْ

لأَيَّا أَرِضْ غَيْرَا بَدْهَا تِعْطِي خَيْرَا لَوْلاَ تْهَجَّرْ طَيْرَا بَدُّو العَالَم يِشْقَى

يا قِدِّيسي رَفْقَا كيرياليسون كريستياليسون (2)

-وْحَتَّى نْضَلّ نصلّي الأبَانَا وِالسَّلاَمْ عَلِّي صَوْتِكْ عَلّي تَ يُوصَلِ الكَلاَمْ

لِبْنَان الانْتِي مِنُّو مِشْ رَحْ نِتْخَلَّى عنُّو صَلُّو مَعْنَا وْغَنُّوا حتَّى يْبَارِكْ رَفْقَا

كِلِّ الّحبُّو رَفقا. كيرياليسون كريستياليسون (4)